黎明寫金句錦繡旅程

黎明昨日全黑打扮以主禮嘉賓身份出席啟動禮，未知是否受早前喪父影響，黎明急急腳來、急急腳走，未有停步受訪，但之後又見他與英皇高層吳雨密密斟。儀式上，一眾嘉賓在卡紙上寫賀詞，「金句王」黎明竟寫了「錦繡旅程」四字，司儀即問他為何不寫「錦繡前程」？黎明大拋金句：「前程係自己搵，電視畀唔到你，旅程係要睇完電視之後創造出嚟。」全場聽後捧腹大笑。