張智霖七月騷有飛機大炮

謝霆鋒揚言開個唱搵命博，而久未開個唱的張智霖（Chilam）、陳慧嫻今年亦進駐紅館會樂迷，Chilam唱片公司高層昨晚接受本報電話訪問時，笑言個唱將有「飛機同大炮」，總之實有驚喜，他透露：「預計７月初舉行３至４場演唱會，但依家仲有半年時間，所以仲未開會，會有飛機同大炮囉！哈哈！其實上年『Cool魔』咁受歡迎，我哋唔排除會加入呢一part，但點都會畀驚喜樂迷，所以主題一定係新嘢！」