祖兒未食過謝家菜流晒口水
愛做「煮」家男的謝霆鋒，今年將會拍攝一個內地的飲食節目《十二道鋒味》，並已邀得容祖兒、陳奕迅、杜汶澤等做嘉賓。陳奕迅昨日透過電話表示最愛霆鋒炮製的梳乎厘（Souffle），而祖兒則直言從未試過霆鋒的手勢：「未食過但係好期待，一定會用新鮮食材，依家諗起都想流口水！」
另外，霆鋒近日接受she.com訪問，自爆與媽媽狄波拉以前關係唔close，全靠入廚令二人盡訴心中情：「過去三十幾年同媽咪唔close，但自從我哋一齊煮飯之後，有多一種交流，好微妙好奇怪，平時未必會講嘅嘢，煮嘢食唔介意講出嚟。」他又直言最難忘曾為超過18人下廚，用足十幾個鐘來煮，終於得到阿媽一個安慰眼神作回報。
