婷婷順其自然唔搵男友拜年
謝婷婷默認與李桂蘭兒子戴尚安（Sean）蜜運中，她昨天風騷出席活動，在台上不時把玩尾指的金戒指，她否認戒指是男友送的，問到Sean可有邀她到家拜年？她笑說：「係咪太早？唔使咁正式。（帶佢同你爸爸媽咪拜年？）唔知佢哋係咪喺香港。（你覺得去佢度拜年，發展得太快？）唔係，朋友都會去拜年，唔會自己主動話去。」再問何時正式公開戀情？她謂：「順其自然，都要互相傾。（2月14日情人節先確認？）唔會咁老土，呢啲要互相傾。」
提到前阿嫂張柏芝帶兩子到新加坡讀書，她說：「之前佢哋返嚟冇見過面，但Lucas佢哋有send聖誕快樂畀我。（農曆新年預計同姪仔過？）唔知，不過好希望有得過去搵佢哋。」
另外，同場的組合Shine成員徐天佑透露日前拍畢的電影會延遲上映，因要報名參加外國影展。他又稱戲中不乏粗口對白，有機會分開兩個版本上映。