許亦妮「大意闖禍」，為海關拍攝反戲院盜錄宣傳片的任達華，「捍衞」電影業多年，昨日就此事問及華哥，他聞得盜錄兩字已嚇一跳：「吓？咁點搞？」當得悉來龍去脈，笑說：「佢年紀仲細，可能嗰一刻想起將照片放喺社交網站宣傳，呢種宣傳方式無可厚非，大人不記小人過，如果佢知錯大家就原諒佢啦，唔係無綫又少個藝員啦，畀個機會佢，唔係將成套戲拍晒上載就得。」
