朱潔儀炮製鮑魚值80分

前港姐朱潔儀和博愛醫院副主席李妮昨日出席富臨飯店喬遷重新開幕，朱潔儀提到跟師傅楊貫一學識炮製鮑魚的秘技，她說：「整鮑魚要花兩日半時間，試過畀師傅試食，佢話值80分。（跟師傅幾多年？）我太多活動，唔太適合認真學，自己似食家多過似廚師，但有時間都會問師傅點整啲菜式。」她說新店裝修豪華，試業期間已經前來試食。提到六叔邵逸夫逝世，港姐出身的她表示當選後，曾隨六叔及方小姐前往台灣出席金馬獎，六叔還帶她到台灣品嘗地道小食，她說：「阿sir（六叔）對食好有研究，叫我哋食嘢慢慢嚟，唔好急，易消化，做事都係一樣，唔好急進，教我哋養生之道。」