薜凱琪被寸遲婚嬲爆

薛凱琪着上露背裝大騷玉背，並拿着價值不菲的太陽眼鏡，笑言感壓力。

歌手薛凱琪（Fiona）昨晚與溥儀眼鏡行政總裁邱子傑、夫人邱李茂琪（Margaret）一同擔任溥儀眼鏡攜手Tiffany & Co.記者招待會的嘉賓，同場出席的還有江欣燕。Fiona在台上影大合照時，一名男粉絲突然拿紙筆衝上台前向Fiona索取簽名，在場人士都嚇呆了，但Fiona仍友善地接過紙筆為他簽名，但工作人員已上前驅趕該名男粉絲。

太陽眼鏡過廿萬

Fiona穿上露背裝騷玉背，並戴上兩個品牌合作推出、全球限量10副的黃鑽太陽眼鏡，其中5副在溥儀眼鏡獨家發售，由於每副眼鏡價值接近22萬，Fiona笑指助手拿眼鏡給她時，感到非常大壓力。問品牌是否送贈了這副眼鏡給她，她說：「唔係，試戴都開心。（眼鏡價錢可以買架車，你捨唔捨得買咁貴嘅嘢？）自己冇車牌，如果買嘅嘢可以傳畀下一代，貴啲都值得。（買龍鳳鈪？）講起就嬲，經理人話每年生日同Paco夾份送一隻龍鳳鈪畀我，睇吓到我結婚，會唔會多到戴上膊頭。（睇死你（遲婚）？）我諗係囉。」

邱李茂琪（右起）、薛凱琪、邱子傑及Luxottica Group亞太區總裁 Mr.Paolo Ciarlariello 齊齊舉杯。

江欣燕畀面撐場，以smart casual打扮現身。

Margaret則透露早前一家人到韓國旅行，囝囝滑雪時弄傷了右手，她說：「個仔同我一樣唔sporty，第一日老公已經話個仔受咗傷，自己好驚，佢之後要考試，嗰日返到酒店隻手腫晒，入咗醫院，有敷啲嘢，依家好番啦，好彩之前休息夠。」

文：名人組