Winkie美人出浴Sing色藝全
近年HotCha三女暫作個人發展，其中成員Winkie經過一年的醞釀，不讓兩位姊妹專美，終推出個人作品重新「回歸」樂壇。近日Winkie和饒舌歌手MastaMic合作新歌，而MV亦同告面世。MV中Winkie扮演港女角色，為了令男友更緊張自己，誤入歧途用收「觀音兵」方法刺激男友，最後卻一拍兩散。
夜店嘈交氹男友
MV中一幕是Winkie孤獨地在夜店尋歡，挑戰斯人獨憔悴的內心戲。Winkie自爆亦曾試過在夜店內和男友嘈交：「入行前我同前男友去club跳舞，佢係咁撩我啲女仔朋友，當時我好呷醋，當場同佢鬧交，結果佢嬲到走咗去，我仲要去搵佢氹番佢。」Winkie坦言不喜歡做氹人角色：「可能我個人man啲，所以佢要我氹，但我係女仔來都想人氹吓我，而自此之後我都已經好少去蒲。」
挑戰性感零尷尬
另外，Winkie在MV中有美人出浴鏡頭，她直言拍攝時做足安全措施，問到有否清場？她說：「冇呀，不過個浴室好細，所以得女助手、打燈師、攝影師同導演喺度，我冇覺得尷尬，幾Take就搞掂！（接唔接受拍更激嘅戲？）如果劇情需要都OK，咁先係專業嘅表現。」