安仔偏幫阿田彈翠如未夠班
無綫「視帝」郭晉安於新劇《舌劍上的公堂》扮演田蕊妮「扯線公仔」，代她去對簿公堂，安仔大讚雖然面對一堆女人，但難得沒有嘈吵的感覺，提到戲外阿田與黃翠如唇槍舌劍，安仔即笑說：「以資歷一定係阿田贏」﹗
今次安仔於劇中扮演教師，信奉孔子的他滿口之乎者也，他承認這些對白是十年以來最難，自己要上網搵資料做準備。其實《舌》的題材是近年較少，安仔亦似偏向演出冷門劇集，他直言不是專登挑選：「呢啲都係機緣巧合，可能我優勝之處係易入屋，儲咗一班觀眾，大家點都畀面睇一集。」今次夥拍不少新人，安仔坦言很少會「教導」他們，因怕說得太多反而讓新人更易失去自信：「我做新人都試過，講咁多分分鐘佢哋連聲都講唔出，所以同我做戲好舒服，當現實生活一樣，如果要腦去諗就唔係演戲。」
齊心免拗撬
不過首度與剛出爐的「視后」阿田合作，安仔完全不擔心，還大讚對方是個熱愛演戲的人，有火花之餘兩人還會有親密戲份，提到戲外阿田與翠如鬧不和，身為中間人他如何處理？安仔即笑說：「好明顯阿田贏啦，講入行資歷點輪到黃翠如啊，阿田仲喺劇內做我老婆喎，就算翠如啱都唔可以幫佢啦！」
但安仔笑說其實大家很齊心，原先自己很害怕拍攝群戲，自覺一多人就會很嘈吵，莫講是觀眾連他都想熄電視，不過出奇地這次就沒有：「要大家好齊心先可以做到，有任何拗撬就唔好睇，始終都On Show，點都要做下戲啦，唔好將唔妥帶返 嚟，哈哈﹗」
願留港發展
現時不少小生都北上發展，安仔卻忠於無綫，他笑言沒有辦法，因為自從做錯事後就不能改變：「我娶咗個老婆（歐倩怡）好大壓力啊，又要為個仔，不過我都好知足，安於現狀，所以留喺香港發展就夠。」
文：影視組