苟芸慧想行桃花運

曾是宅男女神的苟芸慧及名模蔣怡昨日到上水廣場出席賀年活動《韓花盛放展春姿暨中國盛世剔紅珍品展》，展示中國雕漆大師殷秀雲的剔紅雕塑作品，又近距離欣賞韓國視藝天后洪志侖即場示範畫作，吸引不少Fans圍觀。

派埋利是飛雪國

因甲狀腺出問題的苟姑娘穿上連身裙身形仍圓潤，但狀態甚佳Keep住甜美笑容，她直言去年受病情困擾長期失落，望農曆年去短期旅行，過平靜及有雪的假期：「離開香港先真正Relax到，咁我都會派埋利是先，公司好肯遷就我身體狀況，畀我休息。（幾時復工拍劇？）未，原本打算一、兩個月好番，但之前感冒所以停咗藥，延遲咗。」雖然去年遇上「爛桃花」，但苟姑娘仍想新一年行桃花運：「邊個女仔唔想人錫？有時自己一個喺香港好辛苦，我都想搵到Mr Right！（冇人趁你病追你？）病冇人要呀！」

蔣怡添丁湊「好」字

已為人母的蔣怡穿低胸短裙大晒纖瘦索爆身材，她表示會帶五個多月的女兒到處拜年，想必是個新體驗：「第一年派利是，會預五位數字。」她表示想再添丁湊成「好」字，但笑言湊女太忙，未有時間造人。

文：影視組