阿徐證Eason冇躁鬱
徐濠縈昨晚出席時裝活動時，被問到獲老公陳奕迅（Eason）贈送2.3億豪宅，物業只寫了她的名字？她直認此事說：「係囉！都係自住，係我哋安樂窩，唔係用嚟投資！」對於Eason被指躁鬱症？她感到無奈說：「佢叫阿臣都係神化啲，咁咪唱到好歌，希望大家體諒吓！（有指叱咤頒獎禮佢唔想去，係經理人話要取消巡唱先出席？）唔會，佢同瑛瑛（經理人）感情好好。（有網民擔心佢健康？）佢把聲冇事，大家唔使過分緊張！」
另Eason、內地藝人范冰冰以adidas Originals代言人身份和新加入的蔡卓妍（阿Sa）及新加坡歌手林俊傑（JJ）早前穿上最新系列服裝拍照。工作不斷的Eason指新一年大計是堅持忠於自我。