莊思敏睇定20萬戰車
模特兒莊思敏早前在電單車的強制試中考得合格成績，未正式考獲車牌的她已急不及待揀車獎勵自己，昨日她在電單車行看中一架價值約20萬元的電單車，除了作為新年禮物外，亦為餘下的考試打下一支強心針，果然信心十足。
莊思敏（Jacquelin）一向對車都情有獨鍾，早前考得電單車的強制試合格成績，昨日下午一時多，穿上桃色上衣、揹住名牌手袋的Jacquelin現身灣仔電單車行挑選頭盔、手套等配件，她對其中一架價值20萬元的電單車情有獨鍾，期間她烏低身研究電單車時更不慎輕露事業線。Jacquelin逗留約半小時後離開，剛好碰到形象指導張學潤，二人寒暄一番後，Jacquelin再到另一車行看七人車。
學三堂即pass
離開車行時Jacquelin發現記者拍照，她大方透露因為拍戲需要而去學駕駛電單車，她直言：「學咗三堂就pass，覺得好好彩，嚟緊都仲要上堂，不過師傅話我揸得OK，我好有信心。」
遇Joe Junior
訪問期間，Jacquelin遇到Joe Junior，二人被男粉絲要求合照，Joe Junior表示拍完《三個小生去旅行》後人氣急升，連的士司機都取笑他被謝賢蝦，他笑言：「如果拍第二輯，我會鬧番佢（謝賢），今日好難得撞到靚女，可以拍番套三個小生加一個小花去旅行。」
文：名人組