駱胤鳴「長舌婦」嚇阿媽
「巨聲幫」出身的女歌手駱胤鳴樣子可愛，跟不少女生一樣，chok出可愛甫士玩自拍當食生菜咁食，原來她擺起騎呢甫士同樣冇難度。熱愛音樂的她擁有Rock and Roll的精神，在她心目中的騎呢樣都要有招牌Rock爆手勢。
唔講唔知駱胤鳴擁有靚聲外，舌頭也長得相當驚人，長舌伸俐照確實夠搞笑。難怪這個甫士連駱媽媽也被嚇親，她更自嘲是「長舌婦」，她笑說︰「我媽咪見到都話好騎呢，不過我好滿意，因為我係長舌婦，哈哈。」
至於另一張駱胤鳴眼中的騎呢樣，就是嘟嘴扮豬，但再次出現Rock爆手勢，望落並不是太騎呢，未知這個甫士會否嚇親粉絲呢？