劉美娟：已經贏咗

歌手張崇德昨日在微博撰文：「兒子天藍已離世9年，就在9年後的明（今）天，醫務委員會終於開始聆訊了，明天我和美娟都要當證人。」事緣崇德和太太劉美娟於05年誕下首胎男嬰，在生產過程中，懷疑有人涉嫌疏忽，致男嬰天藍出生不足一天夭折。

事隔9年，張氏夫婦曾就事件入稟法庭控告兩名涉案醫生及聖德肋撒醫院疏忽，雙方於09年達成和解，獲賠六位數字金額，同年醫委會接獲兩人投訴，醫務委員會召開紀律聆訊。

面對開庭在即，劉美娟在電話訪問中問到心情？她說：「平常心，其實判決係點，喺我心目中我哋已經贏咗，我哋做咁多嘢，條路咁難行，都係想社會關注醫療問題，我哋唔想再有同類不幸事發生，失去BB，除父母外，朋友同家屬都會好傷心，依家醫務委員決定開庭，證明佢哋真係關注，已經達到我哋目的。」

而崇德接受訪問時，他說會漏夜準備案情，在庭上講出所知的事件，他自言心情有點緊張，又話自天藍夭折後，心情易波動，他說：「我依家變得好易喊。」

文：音樂組