伍允龍、安志杰及胡然日前接受有線節目訪問，問到伍允龍拍《惡戰》時慘遭安志杰一腳踢暈，他說：「今次武打場面比較多，我入咗兩次醫院，最大意外係畀佢（安志杰）一腳踢暈，你睇佢對腳幾粗就知畀佢踢中都會暈，佢仲要好大力踢落嚟！佢唔單止冇安慰我，仲笑騎騎！後來我醒咗又起身再打過。」雖然發生意外，但伍允龍謂能與好兄弟合作電影感到開心。而安志杰亦讚伍允龍演戲很自然，對他有信心。
