霆鋒全副武裝唔肯除

謝霆鋒、陳偉霆及衞詩雅等昨到廣州為《救火英雄》宣傳，久未有在當地出席活動的霆鋒大受歡迎，眾人在台上分享拍攝時的難忘事，霆鋒印象最深是每日要穿很重的消防員救火服裝開工，他說：「好難解開，我直頭唔除，同埋我一直唔慣對住綠布演戲，現場冇煙又冇火，不過出嚟效果唔錯。」原來霆鋒連消防員面罩亦沒除下，陳偉霆謂：「通常一停機就除面罩，但霆鋒點都唔除，好難呼吸，後來我哋都跟佢冇除。」
久未在廣州出席活動的謝霆鋒大受歡迎。
久未在廣州出席活動的謝霆鋒大受歡迎。

任達華與英皇藝人洛詩負責武漢站宣傳，當地氣溫只有兩度，二人凍得騰騰震，工作人員即送上麥湯及當地美食，「麥」的普通話發音與「賣」相同，寓意《救》片票房大賣。大會還邀得當地一名消防員遺孀，到現場分享丈夫救火殉職的過程，於片中同樣葬身火海的任達華謂：「我知好多人睇到我死而喊，所以帶定十包紙巾，諗住派畀觀眾。」

陳偉霆、霆鋒、衞詩雅及吳浩康負責廣州站宣傳。
  • 陳偉霆、霆鋒、衞詩雅及吳浩康負責廣州站宣傳。
任達華帶洛詩與粉絲互動。
  • 任達華帶洛詩與粉絲互動。