夏尉喻倒奶謝票 許亦妮寸hyper
許亦妮、郭穎兒（Celia K.）、夏尉喻（寸嘴Barbie）、文凱玲（Connie）等前晚出席新片《喜愛夜蒲3》謝票活動，獲朋友包場支持的許亦妮，還設下睡衣主題，故其一眾朋友也睡衣上陣，反觀許亦妮及眾演員們卻密實打扮，向來「出眾」的寸嘴Barbie，起初還把Zip Up外套拉到上頸，幸好入場後卻來個大解放，刻意拉下外套拉鏈，令3吋事業線表露無遺，力搶其他女星風頭。
承諾着睡衣
獲朋友出錢又出力支持的許亦妮，表示特別相約戲中演員一起到來，問到為何不穿上睡衣？她謂:「睡衣唔靚，迎新年着睡衣唔好，不過見到現場啲人都好hyper（之前畀人杯葛，依家見面會尷尬？）都冇嘢，唔會啦！今日佢哋嚟即係粉碎咗，如果票房去到2、3千萬我會着睡衣，5千萬就着泳衣囉！」Celia則表示喜歡謝票活動，她謂:「因為可以睇到觀眾反應，佢哋會即時話我知做得好唔好。」
至於寸嘴Barbie被問到為何入場後突然露事業線？她笑謂:「我要睇情況，因為每一次都唔知遇到咩觀眾，佢哋熱烈我就拉低啲，今日都係上畫第一日啫，反應好就會拉到落肚臍，愈來愈少布（其他主角冇到？）次次唔同人，想睇晒咁多人就睇多幾次啦！」
文：影視組