陳煒獲老公體貼送櫈
藝人胡杏兒與陳煒昨日帶病上陣拍攝新劇《醋娘子》，杏兒指陳煒是受她傳染：「都咳咗兩個幾月，試過好多朋友畀嘅偏方都冇效，應該我係龍頭傳染畀佢（陳煒）。（係咪財多身子弱？）我係氣管比較弱啦。」杏兒指計劃完工後於二月與胡定欣、胡蓓蔚及黃智雯外遊，笑言：「我哋呢個係溝仔團！（打算去邊？）未定呀，（會着泳衣溝仔？）大家都怕曬。」
抱恙的陳煒被問到老公會否擔心，她指冇得擔心咁多，更分享老公的愛心禮物：「老公喺台灣寄咗張外景櫈畀我，知我唔識上網買，（老公養咪唔使咁辛苦？）一半半，我都係半年做嘢半年休息，同老公兩個月冇見，佢開咗間日本餐廳我都未食過。」
