祖藍硬食魯芬進擊強吻

王菀之、王祖藍、魯芬等前晚出席電影《Delete愛人》煞科宴及老闆蕭定一的中國3D數碼娛樂公司新年聚餐，不少女星如連詩雅、松岡李那及莊思敏等都冒着低溫露腰撐場，但都不及王祖藍和魯芬即場來個深情咀嘴搶鏡！祖藍接受訪問時亦笑言被魯芬「殺了個措手不及」：「我當初主動要求喺戲中咀佢，佢可能因此而念念不忘。（仲有冇咀其他人？）冇，我畀魯芬獨霸咗。（向女友李亞男申報？）冇呀，我估佢知道咗之後嘅反應都係『耶，我唔制』。」

浸溫泉慶生

本月9日生日的祖藍透露將在浙江為中央台拍綜藝節目度過，不過女友就不會一同前往：「之後一齊拍TVB賀年戲會一齊去日本。（順便慶祝生日？）係呀，兩個人一齊浸溫泉，浪漫吓啦。（順道求婚？）冇咁快！（一齊除衫浸溫泉？）冇咁快！冇咁快！」

放大圖片	魯芬一見祖藍即來個深情咀嘴搶鏡。

姍姍來遲的王菀之表示因要為廣州音樂會綵排，她笑言今個年頭好勁：「啱啱喺叱咤（頒獎典禮）攞完獎，依家又煞科宴。」問到是否過肥年，她就會錯意：「唔知呀，我好鍾意食年糕亦都想食，不過嚟緊好忙又要拍劇，所以要keep fit。（係話你荷包過肥年！）唉呀，我對個肥字好敏感，唔知呀，依家播種，希望有收成。（買樓？）要睇吓個年有幾肥喇！都想儲多啲錢孝敬父母。」

擬拍碎屍案

此外，莊思敏透露正在洽談一套微電影並親自執導，她希望能拍真人真事碎屍案：「諗緊點樣由好血腥變到唔太血腥。（問緋聞導演男友葉念琛畀意見？）我有問晒在場所有人嘅意見。」她又笑言此次誓必碌爆人情卡。

文：影視組