唯唯元旦老襯 宣誓手震震
在2013年到2014年的交接期，亦即1314（一生一世），娛圈有兩件喜事，梁烈唯於元旦與圈外女友Tina於酒店註冊結婚，唯唯讀誓詞時緊張到手震震；武打演員吳京亦於元旦凌晨宣布和內地節目主持人謝楠結婚，相信兩對新人的愛都能一生一世！
34歲的梁烈唯和拍拖11年的女友Tina終修成正果，於2014年的元旦註冊結婚，唯唯穿白色西裝、黑色西褲現身，Tina則穿設計簡單的婚紗，苗僑偉夫婦、張智霖夫婦、黃日華、胡定欣、樂易玲、陳敏之及袁偉豪等都有到場祝賀。
呼吸急促甚緊張
婚禮現場布置簡約，有一塊粉紅色布景板，袁偉豪爆唯唯進場時呼吸急促，他謂：「一生人一次，係會緊張啲，但現場好感動！」而唯唯讀誓詞時手震震，事後他說：「同太太進場時，百感交集，湧現好多畫面。（太太有冇喊？）佢好叻，知自己一講嘢就喊，所以留畀我講，佢見到個好耐冇見嘅朋友先忍唔住喊。」
唯唯前晚出席倒數派對時，被問會否盡快造人，他說會努力：「有心都要睇個天畀唔畀。（生幾多個？）兩個夠啦。」唯唯沒搞單身派對，反而鄭希怡就為好姊妹Tina搞驚喜制服派對。
華哥籲造人留力
2014年剛開始，亦有另一喜事，武打演員吳京在元旦凌晨於微博宣布和拍拖兩年的內地節目主持人謝楠結婚，吳京經理人指二人早前已領證。吳京選在「1314」之間宣布婚訊，非常浪漫，由於一對新人忙於工作，婚宴日子未定，但預計會在今年內。曾與吳京合作的甄子丹和任達華均祝吳京早生貴子，華哥就搞笑謂：「但佢要留啲力，因為四月拍《殺破狼》續集，要同Tony Jaa對打。」
文：影視組