草蜢年中開騷 人魚線ready

跳舞組合草蜢以壓軸嘉賓身份表演勁歌熱舞，將全場氣氛推向高峰！三子與眾嘉賓玩挖銀幣遊戲，雖然蘇志威搞笑出動「揸多龍爪手」，但仍敗給有十一隻手指的蔡一智。問到新一年計劃，草蜢公布今年六月開騷，繼續以跳勁舞及派歡樂做賣點，蔡一傑說：「我哋正式開始收身同做新歌，上次同軟硬開騷，畀佢哋拖冧咗，今次冇咗佢哋輕鬆晒，要跳番勁啲！」問到會否騷肌露人魚線？阿智笑言隨時ready，但未知是否會露肉，又踢爆蘇志威生肖屬馬，故一定「馬到功成」。