苟芸慧谷咪回歸證冇抑鬱

前晚草蜢、苟芸慧、胡定欣、黃翠如、鄭俊弘、林穎彤及華姐范文雅等到上水廣場出席「華麗倒數派對」，吸引fans逼爆三層商場支持，眾星與市民玩遊戲送禮物，氣氛熱烈！

甲狀腺有事食藥

因病休息了一段時間的苟姑娘身穿低胸晚裝谷咪出場，手臂仍圓潤但明顯比早前清減不少，被傳抑鬱的她精神不俗，笑住跟fans揮手，她表示感冒聲沙，但仍講述病情：「其實我唔覺得情緒有事，只一直減唔到肥，於是睇醫生同返加拿大休養，原來係甲狀腺出問題，依家食咗個幾月藥，會keep住食直至控制到，呢個經歷令我變得更堅強，邊度跌低邊度起番身！」她表示不清楚現時磅數，笑指開心就會瘦，今年會努力拍劇突破自己及收復失地，對於有傳她將400萬元交予母親買樓，她說：「錢一向係畀媽咪處理，可能佢拎去投資，我冇理。」

（左起）林穎彤、苟芸慧、黃翠如及范文雅穿晚裝行catwalk，各具美態。

新鴻基地產代理租務部助理總經理劉文豪先生（後排左五），率領多名高層及一眾紅星齊齊迎接2014年，場面熱鬧。

胡定欣赴美遊學

至於胡定欣被問到何時結婚，她笑言暫時未有計劃，反而會趁放假到美國遊學一個月：「想學跳舞同睇百老匯表演。（男友唔陪你？）唔喇！我鍾意自己去旅行，而且佢都忙。」提到主演的劇集《貓屎媽媽》首周收視不佳，她表示撞正聖誕及新年，早有心理準備。

胡定欣擺出打保齡球甫士。

台灣孖妹組合2*Sweet冧暈宅男。

深受現場觀眾歡迎的黃翠如表示很滿意去年成績，透露新年大計仍是拍劇及主持旅遊特輯，但甚有挑戰：「個節目同世界盃有關，不過我唔識足球。（求教拍檔洪永城？）佢都唔係好叻！你睇佢香雞腳！」問到新一年會否想要個男友？她笑說：「唔強求，有都好呀！」同場台灣孖妹組合2*Sweet的萱野可芬及萱野可芳穿短裙勁舞，又教觀眾日語及用廣東話說「我愛你」，cute爆全場！

文：影視組