范冰冰凍到震 李治廷心痛
內地女星范冰冰與歌手李治廷戀情傳得熱烘烘，早前冰冰開設個人微博，亦關注了李治廷，令戀情更甚囂塵上。前晚除夕夜，兩人高調地結伴到成都出席倒數活動。由於活動於戶外舉行，入夜後氣溫低至得幾度，衣着單薄的冰冰站在台上時冷得顫抖，與冰冰隔着另一個人的李治廷，不禁流露出憐香惜玉眼神。
同場還有任達華和名模太太琦琦，現場起哄要華哥親吻太太，他亦應要求錫了琦琦面珠，幸福滿瀉。事後琦琦笑言：「我同老公講，公眾場合錫都係第一次，老公話依家做咗外國人。（囡囡喺香港有冇掛住你？）囡囡打過幾次電話嚟，我做緊倒數聽唔到，之後打番畀佢，佢瞓咗都起身，同我講新年快樂。我哋都好掛住佢，元旦就返香港。」