梁安琪 撐仔女拍拖
賭王何鴻燊四太梁安琪昨晚單拖出席宋祖英老師、中國歌唱家金鐵霖的音樂會，其他出席嘉賓還有前藝人盧敏儀與夫婿孫敬安及女藝人陳爽夫婦等。同場，大會昨晚並不接受壹傳媒集團記者入內採訪。
四太透露聖誕節與子女到日本九州旅遊，笑言最開心就是一家人在一起。問到何生近況？她即笑說：「何生不知幾開心，我仲畀咗去旅行啲相佢睇，佢講番以前好多趣事，話帶過兩個小朋友去浸溫泉，嚇到佢哋即刻走返出嚟。」
對於早前何家少爺被拍得與女伴一起，她即維護說：「個個都有女伴o架啦，呢個社會人人都有男女朋友，（介唔介意小朋友帶另一半參加家庭聚會？）仔女大咗適當時候要拍拖。」問到新一年的願望？她說：「希望身體健康，生活愈嚟愈好！」她又大讚金鐵霖教授是位出色的音樂人。
