倫永亮支持造銅像紀念
倫永亮（Anthony）與梅艷芳合作無間，十年前他為阿梅擔任最後一次演唱會總監，他坦言當時心情相當矛盾:「大家都知佢嗰時好唔舒服，一定係死頂，佢係屬於舞台，佢話過『除咗唱歌，我仲識做啲咩？』，佢知道自己身體狀況開始差，所以想藉機會同所有歌迷say goodbye。」
Anthony陪伴阿梅走過人生最後8場的演出，他說︰「每晚完場我都第一時間去後台等佢，佢唱完要助手幫佢喺樓梯上除低套好重好長嘅婚紗，行30幾級樓梯，再喺後台條旋轉樓梯慢慢行落嚟，無人幫到佢，過程要10分鐘，每晚佢落到嚟會同我講『又過到骨喇』，我知有2、3晚佢仲發燒，真係好佩服佢嘅敬業精神。」
另外，倫永亮前晚為《第25屆CASH流行曲創作大賽》擔任評判及表演嘉賓，被問到歌迷會有意在尖沙咀星光大道為阿梅打造銅像，他表示只要是為阿梅做的事也會支持。