車婉婉新歌MV賀生辰
藝人車婉婉昨日出席新歌《談笑風生》MV首播，適逢昨日是她39歲生日，獲經理人及唱片公司高層送上鮮花及生日蛋糕，由於婉婉於本月頭假泰國布吉島與圈外混血兒Jonathon Quinlan男友拉埋天窗，婚後首度見人的婉婉顯得春風滿面，問到何時在港補擺喜酒？婉婉說：「唔擺啦，之前同屋企人、幾個朋友食咗飯，霆鋒都有嚟。」
近年主持電台節目的婉婉透露喉嚨因長期運用搞到生繭，她說：「爆微絲血管同生繭，因為把聲太沙，有次Vani（電台DJ）真係拋耳筒，話阿車有冇搞錯？把聲沙到咁點開咪？真係啞子食黃連，你估我想o架，都唔使發我脾氣呀？我都好傷心。」