李曼筠任攬酒客重金打賞

不少女星及o靚模都趁聖誕旺季登台搵真銀，女星李曼筠（Maggie）除了忙於準備飲食書外，亦遠赴湖北的酒吧登台，化身DJ又載歌載舞，大會對Maggie相當重視，安排多名女dancer為她伴舞，雖然Maggie的打扮比起拋胸o靚模密實，但現場fans仍非常熱情，不停為她吶喊助威，場面熱鬧！

fans合照手多

大會為搞氣氛，安排玩遊戲時答對問題的fans上台與Maggie合照，但頭一名合照的女fans手多多，熱情地攬實Maggie，其後的fans有男有女，亦不執輸又攬又搭Maggie，引得全場尖叫，眼見保安未有及時阻止，Maggie只好掩胸保護自己，但仍保持笑容拍照。未知是否佳節氣氛太high，其後有男酒客突然衝上前，遞出一大疊銀紙表示要送給Maggie，估計起碼逾萬元人民幣，但他尚未說出「送錢要求」已被保安趕出場。

大會安排多名性感女dancers為李曼筠伴舞，她亦落力獻唱。	李曼筠化身DJ，打碟時將全場氣氛推至高峰。	李曼筠趁聖誕返內地吸金，遇上大批熱情粉絲。

自嘲似棵樹

對於被fans連環送抱，難得Maggie仍非常大方，並將他們比作樹熊，她說：「大家都好熱情，明明係唔畀攬，但阻都阻唔切，其實我都呆咗，覺得佢哋好似樹熊，自己變咗棵樹畀佢哋輪住攬。」Maggie表示被送錢的男酒客嚇親，並指已非第一次有男士送錢給自己，但她絕不接受越軌要求：「所謂無功不受祿，雖然佢未講咩事已畀人攔走咗，但有啲錢係唔會接受，我只會循正途賺錢。」

文：影視組