吳雨霏包到冚怕冷親「咪咪」
吳雨霏（Kary）與鄭融昨日出席活動，日前以超Deep V造型現身新城頒獎禮的Kary，昨日竟包到冚示人，她笑言怕冷親「咪咪」：「我一向冇乜（指上圍），唔想太澎湃，都有好多人讚我着得好。（應該push吓？）下次考慮。」對於有傳她飛出「叱咤女歌手」三甲，Kary說：「入到五強已經好開心。（甘心輸畀薛凱琪同王菀之？）兩個都係朋友，佢哋攞都開心。」
鄭融日前穿爛褲出席頒獎禮，慘遭星級造型師郭慶彬Ricky Kwok狠批肉酸及不夠fashionable，鄭融稱：「唔知，自己唔高好難搵衫，加上跳舞衫要安全同活動自如。（有冇唔開心？）唔會，冇乜所謂，下次再諗過。」她坦言前晚到紅館欣賞容祖兒，在後台見到舊愛兼祖兒現任男友劉浩龍，問到有否三人合照？她說：「唔使啦！」
