周倩圯日浸夜浸減壓
模特兒周倩圯（Samantha）現密謀向美容界發展，忙得透不過氣，為紓緩緊張情緒，在一班好姊妹精心籌備下，早前一同到日本北海道享受一星期溫泉之旅，令她樂而忘返，她說：「我好多謝我班好朋友，我忙到連自己生日都唔記得，足不出戶籌備我美容生意。」
而首次泡溫泉的她說：「我每日同每晚必做嘅事，係浸一浸先，我真正感受到人哋經常話浸完溫泉後疲勞盡消嘅感覺，我一浸可以浸成四十五分鐘，一邊浸一邊飲果汁。我係入住溫泉酒店嘅露天風呂，所以日浸夜浸都得，加上落住雪浸溫泉，望住啲雪飄落我塊面同身，感覺好正，好似發緊夢咁！」而露天風呂房間還有懷石料理，她大讚這個溫泉之旅玩得十分盡興。