莊思敏父處男入場撐「親家」
模特兒莊思敏Jacquelin胞妹莊思華（Mona），與練馬師告東尼二公子告崇恩拍拖以來一直感情穩定，早已見過家長，獲得雙方家人認可。前晚思華就與拿督父親莊寶及姐姐一同入馬場，捧「未來老爺」告東尼的場，看來兩家人感情相當不錯！
沒有談婚事
記者問Jacquelin妹妹是否好事近？她笑說：「見家長見咗好耐啦，其實我Daddy同Uncle（告東尼）都熟，Daddy間中返香港都會約食飯，今次咁啱返香港，Uncle咪請我哋嚟馬會食飯囉！」她透露父親並不賭馬，故還是頭一次入馬場。問到兩家人有否順道傾談婚事？她笑說：「冇傾，（告東尼同告崇恩都喺度？）係！（咁父母有冇催妹妹快啲結婚？）咁又冇，佢哋覺得感情事應該隨緣！」前晚現場所見，莊思敏父親手上的鑽戒甚為大顆，記者笑問是否需要過百萬？她說：「唔知喎，我冇留意，不過都唔會平，佢不嬲鍾意戴啲大件嘢，因為個人大份！」
緊張考車牌
此外，昨日早上Jacquelin就去了考電單車牌，由於早上天氣寒冷大風，她一度擔心電單車會被大風吹得左搖右擺，影響成績，加上看到前面的考生不合格，令她大為緊張，她說：「好在導師有畀貼士我，叫我盡量望遠啲，令架車平衡好啲，最終都合格！」
而昨早藝人沈震軒亦一同考牌，二人還互相替對方拍照。
文：名人組