黃宗澤貼心侍酒除夕冧客
藝人黃宗澤（Bosco）九龍城開「蠔礦」餐廳，身為老闆的他落手開蠔搞到「見紅」，所賺的名副其實血汗錢，由於不少客人慕名而至，劇集工作已煞科的Bosco將全力準備今個除夕，誓要生意額來個「滿堂紅」，更表示會貼心為客人配酒。
黃宗澤（Bosco）早前於馬來西亞投資逾800萬元開餐廳後，最近被《好報》拍得他再掟400萬元於九龍城開高級Fusion餐廳「Oyster Mine」（中文名譯為「蠔礦」，聖誕前已開業，不少顧客慕名前來。
Bosco於舖內亦親自開蠔款待客人，見他功架十足，連手套也不用戴，三兩下手勢便成功開蠔，吸引不少欣賞目光。不過開得蠔多終遇「苦」，見Bosco不時啜手指，原來他一不留神鎅傷手指「見紅」，侍應即遞上膠布，Bosco包好手指又繼續開蠔，面對客人他可以不理傷勢。
研製特別餐單
瞓身招待，生意自然滿堂紅，已完成手頭上劇集的Bosco坦言全力衝刺今個除夕：「餐單係我特別研製，之前我學過幾年廚，又做過大牌檔、暑期工，（落手煮埋？）又唔會，因為有廚師坐鎮，（安排酒？）我哋攞咗酒牌，我會特別為客人配啲白酒或紅酒，（同你一樣配自己出生年份嘅酒款待？）自己生日就話啫！客人生日方面，好難預咁多唔同年份嘅紅酒存放，呢個服務好貼心，睇遲啲可唔可以做到。」
文：影視組