顧紀筠送3願望封105分老婆

顧紀筠前晚為老公陳仕偉舉辦60大壽生日派對，並以聖誕和音樂作主題，廣邀400親友參加。一眾圈中好友如曾志偉、拉姑及鬍鬚Kong、謝賢與女友CoCo、苗僑偉夫婦等亦到場祝賀，林峯及女友吳千語更雙雙以全黑情侶裝打扮到場，千語右手無名指更戴着鑽石戒指，二人只拍照、不受訪，拍照時林峯並攬着千語纖腰。

一家六口回禮

身為主人家的顧紀筠戴上粉紅色非賣品陀飛輪手錶現身，行頭十足。問到陳仕偉的生日願望？他說：「希望60打後都有呢啲日子過，同朋友開開心心。」顧紀筠透露此派對籌備了半年，笑言：「佢鍾意熱鬧、音樂同愛錫朋友，今次滿足咗佢三個願望。」陳仕偉大讚老婆值105分，而自己則會於台上jam歌，送給老婆及朋友。

曾志偉今次要不醉而歸。

林峯與吳千語拍拖而至，期間千語輕撥秀髮，展露手上的鑽戒。

顧紀筠透露子女為他炮製了一間很大的糖果屋，讓賓客進去選擇糖果。而回禮禮物亦甚有心思，她表示：「代表2014年豐衣足食，裏面有好多食物，有黑白松露，仲有絲巾，代表衣。絲巾上面有我畫嘅一家六口（包括兩隻狗）嘅畫，花咗三星期畫。」

曾志偉唔想醉

而每次均不醉無歸的曾志偉則笑言希望自己今次能清醒而回，問到他有否關心早前自爆曾被兩大影壇大哥性侵的藍潔瑛？他回應：「一路有搵佢，不過搵唔到，聖誕節唔好講呢啲，返嚟再同你哋講。」

文：名人組