子珊抵冷吹風沙聲娛賓

徐子珊、黃智雯、糖妹、張惠雅及馬嘉均等前晚出席新城戶外聖誕倒數活動，當晚天氣寒冷，帶病上陣的徐子珊仍穿性感露肩Tube Dress獻唱，雖然誠意十足，但她始終敵不過病菌及低溫，演唱《我的歌聲裡》時表現失準，慘變「我的沙聲裡」。

子珊受訪問時直言性感現身皆因『被騙』：「我病咗好幾日，之前喺內地表演都係病住唱，把聲沙沙哋，表演一定有影響，我仲被人呃咗，話係室內表演，又話就算室外都唔凍，我先着成咁。」

子珊昨出發往馬來西亞，有粉絲送機。

黃智雯（右）與新城ＤＪ李國能玩遊戲。

「感情事隨緣」

子珊透露會去馬來西亞和台灣型男宥勝拍微電影，問會否對台灣男士有興趣？她說：「做嘢冇乜所謂，感情事隨緣啦，新年願望希望身體健康，有拖拍當然好，不過我都係以工作為先。」而子珊昨午現身機場準備出發往馬來西亞，並被在場十數位守候的粉絲包圍，子珊亦親民地逐一和粉絲合照，又勸送上聖誕禮物的粉絲不要破費。

智雯拒提男友

前晚與子珊同場的黃智雯透露倒數後會回家開聖誕派對，日前生日的她指與家人做冬兼慶祝生日，問緋聞男友有何表示？她說：「好多朋友都有送禮，（緋聞男友嗰份好特別？）份份都special。」單身過節的糖妹表示感情事順其自然，不過對象一定要中國人，又指自己不是玩家，搵男朋友要慢慢來。

文：音樂組