陳嘉容4,500米高空亡命跳傘

Eunis早前與大班朋友到了夏威夷旅行，雖然只去了短短六天，但就海陸空玩齊，行程非常充實，Eunis透露在今次旅程中獻出多個第一次，包括跳降傘、駕駛飛機，以及與海豚暢泳，但當中以跳降傘最刺激，Eunis形容為她人生中做過最瘋狂的事，她坦言：「其實事前我冇諗住玩，只係打算睇朋友玩，但係玩之前要睇一輯介紹跳降傘嘅錄影帶，睇完發現幾安全，而且教練會抱實你一齊跳落去，所以最後決定一試。」

想過縮沙

Eunis稱最驚一刻是飛機駛至4,500米上空，眼見排在前面的人一個接一個跳下去，她當時有想過縮沙，但最後也硬着頭皮：「因為係由教練控制幾時跳，所以跳嗰刻係冇心理準備，跳落去好快、好驚，離心力好大，之後當降傘慢慢打開，就可以好relax咁欣賞風景，真係好過癮，好值得玩，有機會會再玩。（當時有冇諗過個降傘打唔開會點？）冇諗過，我覺得生死有命，最緊要活在當下。」

陳嘉容上機前仍然心驚驚。

親親海豚，亦令Eunis十分難忘。

海豚暢泳

不過，在行程最後兩天，Eunis卻病倒了，她解釋：「可能係同海豚游完水，上岸時冷親，我返到香港一個禮拜先好番。」

文：名人組