謝安琪缺席《勁歌》 張繼聰證關係好

歌手王菀之（Ivana）、張繼聰、鄭融、鄭欣宜、連詩雅等昨日出席《勁歌金曲馬拉松2013》，聲稱因病而臨時缺席的謝安琪（Kay）令人懷疑缺席是因早前不簽約「星夢娛樂」唱片公司，因而避席，不過Kay的老公張繼聰就代太太作出否認：「Kay同無綫、何哲圖關係都良好，佢喺呢個月聲帶谷血，有的音都唱唔到，加上又感冒病咗。（敏感時間易惹人誤會？）唔關事，大家都係好朋友，佢上星期都想盡量安排上嚟嘅，但真係唔得。（代太太拉票？）就算我唔幫自己都幫佢啦，再唔係聽住我唱歌先囉，都可以投射到佢嘅影子。」