關之琳唔拍戲 做生意解悶
近年過着半退休生活的大美人關之琳，與台灣富商陳泰銘感情穩定，雖然屢傳二人婚訊，但昨日之之出席活動時就否認其事，她強調不會復出幕前，但就有意搞護膚品生意，還不介意親自做生招牌呢！
昨日關之琳出席好友投資的EVIDENS DE BEAUTE美容護膚品牌活動，同場還有呂良偉夫婦。近期偶有露面的之之容光煥發，心情大好，她表示特別要前來支持好朋友。問到是否有意復出？她笑說：「唔係，我只係嚟支持好朋友，（有冇意思投資？）我自己乜都唔識，我朋友就識，不過我都有意思搞一個護膚品牌，但只想搞一兩種（產品），唔會搞太多嘢！」
搵人投資
之之又謂已親自做「白老鼠」試過一些產品，將來亦不介意做生招牌，她說：「我自己試咗一種產品，好滑o架，不過如果真係搞呢啲生意又要參觀廠，仲有好多其他嘅嘢要做，自己唔識呢啲嘢，但依家好悶，又唔想拍戲，想有啲世藝，所以想做吓呢啲投資！（個牌子改咩名？）梗係要好聽，同埋啲包裝要好靚，（預計投資幾錢呢？）唔知道，希望唔會太多，睇吓有冇人願意投資啦！」
未諗結婚
記者笑問她可會請教富商男友陳泰銘的生意之道？之之聞言即甜笑說：「呢啲唔會，（你哋有結婚好消息未？）暫時唔會！」此外，對於藍潔瑛在訪問片段中爆出被兩位影壇大哥強姦一事？她表示認識藍潔瑛，但二人沒有合作過，亦沒有聽聞此事，她只說：「呢啲嘢唔可信，（你覺得唔會有呢啲事發生？）點解呢個時候講啲咁嘅嘢，我唔想畀任何意見！」
文：名人組