嘉玲眼紅紅 盼姊妹得救
昨晚劉嘉玲出席護膚品牌活動，對於爆出昔日好姊妹藍潔瑛於20多年前曾被兩位影壇大哥強姦，因未有報警令身心受創，多年來曾多次自殺，嘉玲聞後顯得十分憂心，更希望曾志偉可以伸出援手相助。
嘉玲表示沒有看過有關藍潔瑛的報道，繼而眼濕濕說：「好希望大家可以伸出援手幫佢，有同佢聯絡，身體狀況唔太好，已經係好耐之前通過電話。（勸吓佢？）交畀曾志偉做，佢係個高人，其他人入唔到佢世界，得曾志偉化解到佢世界，同埋好多年冇見佢，以前同佢係同期訓練班，佢係優異生，好靚女，聽到咁嘅消息唔開心。（信唔信係事實？）我未睇，唔可以講啲咩，（打電話畀佢？）搵佢唔到，最緊密接觸同了解佢，係曾志偉同苗僑偉，佢依家好似隱世咁，搵佢唔到。」
而本月8日生日的她表示朋友為她安排的慶生派對由3日到13日，問到收到老公梁朝偉的甚麼禮物？她說：「唔講得，（送花？）基本動作，偉仔有同我每日傾電話。」
突然轉軚稱無受訪
此外，記者昨就此事致電藍潔瑛，她承認有看過該報道，但說：「我冇做過訪問呀！（屈你？）係呀！（告佢？）遲啲你咪知囉！」但提到她於報道中承認曾遭性侵，她即匆匆收線。其友人楊曼莉表示怕得罪人故不便多言：「咁敏感嘅事，我唔敢講。（佢有心理障礙是否因被性侵過？）如果係，個個女人都有陰影啦！但我唔知。」而與藍潔瑛屬同期訓練班的苗僑偉昨接受記者電話訪問時，直言近年已沒有跟對方聯絡，並希望對方沒事。
至於演藝人協會秘書長陳芷菁被問到演協會否介入事件？她透過短訊回覆：「我們一貫做法是，假如藝人找本會，本會才幫忙。」
文：名人組