祥仔撐Chilam夠認受性
阮兆祥昨到電台宣傳新歌《二把》，並為劇集《My盛Lady》結局篇谷收視，提到有傳無綫為谷《My盛》收視，才將視帝頒給黃子華，祥仔直斥傳聞不可信：「咁多年嚟無綫有咁做過咩？可信性好低，我問過好多幕後同事都係子華粉絲，有化妝師特登搶Job見子華，所以50%專業評審中好多都係支持佢。」
對於另一好友張智霖（Chilam）失落視帝後被指嬲爆，祥仔說：「係咩？100%民選仲好啦，我覺得『我最喜愛的電視男角色』認受性仲大。（豬肉獎？）『豬肉』在前呀，大家要改下視帝先係大獎呢個觀念。」