琦琦500萬自咀
名模琦琦早前獲護膚品牌Dr. Bio重金禮聘邀任代言人，日前她出席品牌的北京記者會，坦言與品牌是華麗邂逅：「品牌好有誠意，等咗我好耐，我都想試吓新嘢，佢哋係高科技產品。」問到酬勞，琦琦未有正面回答，但大讚是個超理想價錢，據知酬勞高達500萬！
另外，琦琦以三個不同造型為品牌拍攝平面廣告，更由著名攝影師Paul Tsang操刀，琦琦說：「造型有高貴、運動同未來感，花咗一日時間拍攝，過程好開心，因為整個團隊都係我心儀嘅工作人員，無論化妝師、髮型師都合作無間。」琦琦透露出席記招後便飛往英國，原來是要到英國收樓：「老公（任達華）喺當地買咗樓送畀我同囡囡做聖誕禮物，我好鍾意英國，亦都睇好當地經濟。」