阮兆祥世界巡演完美作結

阮兆祥一連三場「阮兆祥2013 1祥朋友演唱會」前晚圓滿結束，梁家輝、蔡一智、周汶錡、上山詩鈉等好友捧場。嘉賓張達明笑指祥仔的dancer是救傷隊，又笑他跳舞自討苦吃：「挑戰黎明咪OK，無論dancer跳得幾勁，佢都企係中間唔郁，咪穩陣囉！」
陳敏之騷長腿為阮兆祥任嘉賓。
陳敏之騷長腿為阮兆祥任嘉賓。

唱《別人的歌》時祥仔感觸落淚，並感性地說：「有時啲酒吧搵我唱歌，我唔敢唱自己歌，驚冇人識冇共鳴。」而觀眾的熱情令他三度encore才完場。訪問時祥仔說有意進軍紅館，稍後將進行世界巡演，希望最後一站返香港結尾，因為明年是入行卅年。張達明訪問時坦言騷癮大發，明年3月與組合農夫開騷，但未必公開售票。

祥仔、梁家輝咀嘴。
  • 祥仔、梁家輝咀嘴。