祖兒發夢都嗌住食

祖兒個唱舉行在即，她還為個唱設計紅唇Tee、襪子、電話殼和毛巾等紀念品。

積極為跨年個唱 「ageas富通保險1314容祖兒演唱會」備戰的祖兒昨日與舞蹈員進行排練，與六名外籍舞蹈員施展舞技，祖兒更被男dancer抬高做出如拱橋般的彎腰姿勢，柔軟度十足。祖兒表示要多謝公司支持，在紐約請來排舞師及六名舞蹈員為個唱演出，舞步節奏與平時不同，以力度為主，她說：「身體不停扭動，跳到腳和屁股都好痛，要按摩吓先得。（叫男友劉浩龍幫手按摩？）係叫按摩師。」

人都想食

祖兒為keep fit坦言已兩個月冇飯落肚，她笑言：「我好想開騷前食兩啖飯。（怕唔怕搞到患厭食症？）完全唔使擔心啦，可以放得入口我都想食，就嚟人都想食埋，日日發夢食嘢，有日食pizza，有日就食甜品，仲發開口夢嘴郁郁添。」又知自己發開口夢？祖兒尷尬的說：「哎吔……聽講囉！」說到男人苦練「人魚線」，女人要練「馬甲線」，祖兒坦言已「馬甲線」上身。會在個唱上示人？她說：「梗會，唔騷咪嘥咗！我直情想book影樓影輯相添呀。」

祖兒昨日綵排，即場晒腰功，彎腰拱橋柔軟度十足。

放大圖片

另外，提到早前網上有電台女員工爆叱咤賽果，祖兒將冧莊「女歌手金獎」及「至尊唱片大獎」，對此她說：「到時先算啦，冇諗會攞咩獎。（攞埋「我最喜愛的女歌手」？）呢個難啲，咁耐我只攞過一年。（冇信心？）我好實際嘅。」

文：音樂組