卓韻芝催情香薰谷騷
卓韻芝前晚為她的Talk show進行排練，已排練了十多天的阿芝笑言：「好似個癲婆咁不停自言自語。依家改緊稿，寫得太多。（今次係咪冇咁緊張？）好緊張呀，講起就胃痛，我係緊張大師嚟，如果我唔緊張通常事件就會糟糕，所以緊張係好事。」
她又透露嘉賓名單說：「我想邀請大大前輩黃子華，希望佢會嚟睇。（你婆婆會唔會上台？）唔會，佢話佢好怕醜，我利誘唔到佢上台唱歌。今次個騷有大量色情及不雅，冇底線，我冇審批過自己。（造型都係冇底線？）有件一除就冇嘅，同乾濕褸效果相同。」到時她的騷上還會散發催情香薰。