Super Girls各有工開 合體搵多啲
組合Super Girls（SG）昨日四缺一連續出席兩個活動，穿着背心短裙在銅鑼灣街頭出席「ALCATEL ONETOUCH Idol X 與你共度浪漫白色聖誕」，Aka表示即將推出新歌：「係我哋出道以嚟最sweet的一首歌，之前啲歌都係講單身。不過我哋只能靠幻想，因為我哋都仲尋覓緊！」Jessica笑言：「所以聖誕願望係每人一個男朋友！」
之前她們先和台灣組合黑澀會成員丫頭和Mavis出席時裝店開張，SG就澄清拆夥傳聞，四女緊張表示：「唔係真嘅！依家大家都有想做嘅嘢，除咗音樂之外，所有工作都係Bonus。」成員Cheronna繼續解釋：「好似今（昨）日Yanny都要去澳門出席亞太影展冇嚟到，我同Heidi之前又接劇，各自各工作啫，唔係拆夥，只係單頭工作，希望無論Single定5個人都有Market！」她們又力撐喜歡5女一同工作：「5個人搵得多啲，因為數量多啲！」
丫頭自爆被男生打
同場的丫頭大髀瘀了一撻，她笑言：「我被男生打！其實是之前拍旅遊節目，在拍攝打氣彈外景時被男生打中。」她又不小心踢爆隊友Mavis有份投資此時裝店，令Mavis非常尷尬，以笑避答投資了多少，丫頭急忙扯開話題說：「香港地價高，自己有錢的話想開餐廳！」
文：音樂組