阮兆祥處男失守嗌爽 陳敏之床上施誘

首次處男開騷的祥仔因圈中人緣甚佳，頭場台上有黃子華、張智霖（Chilam）、徐子珊、陳敏之、田蕊妮、王祖藍及朱咪咪出任表演嘉賓，台下有袁詠儀、狄波拉及丈夫、陳山聰及祥仔母親來捧場，兼有巨星好友劉嘉玲、梁朝偉、梁家輝及張學友拍短片祝賀可謂群星拱照。

祥仔一身閃爆造型再加一頭綠髮出場，連唱兩首郭富城的快歌，與6位舞蹈員勁舞扭腰又玩疊羅漢扮「鐵幕誘惑」賣力非常。祥仔表示：「呢個處（處男騷）我守咗29年，今晚我想感受下3000觀眾面前『破處』感覺，到底係舒服定係痛。」當全場觀眾叫喊後，祥仔大呼：「原來破咗處係咁爽喎！」

陳敏之瞓大床出場，晒長腿甚為養眼。	俯身拋胸的朱咪咪自封是「A貨甄妮」。	王祖藍為撐兄弟，再次化身「慳啲啦Baby」出場。

朱咪咪封「A貨甄妮」

至於一眾女嘉賓田蕊妮、陳敏之和朱咪咪分別都「瞓住」大床出現，而愛扮鬼扮馬的朱咪咪更穿上「48吋巨咪」自封是「A貨甄妮」，被祥仔笑她「乜搞到咁大」，咪咪姐則反嘲祥仔：「我好欣賞你個髮型，估唔到你一把年紀仲係青頭，莫非你諗住益我食消夜！」

而另一好兄弟王祖藍為祥仔再次化身「慳啲啦Baby」，與祥仔大跳辣身舞，祥仔身上的浴袍還被祖藍拉開，令他盡現兩點，祖藍更拿咪咪姐開玩笑，說用了她畫事業線的筆畫眉，感到好重奶味。

文：音樂組