鍾舒漫交換禮物調情
衞蘭（Janice）、鍾舒漫（Sherman）、JW及黃山怡（糖妹）等歌手前晚出席戶外亮燈活動，不過因天雨關係突然「跳掣」，被迫提早腰斬，令組合Fabel、goldEN等未能上台唱歌。
Sherman稱聖誕節將與巫啟賢到內地登台，無暇與男友吳浩康（Deep）過節，但會玩交換禮物調情。她指Deep經常請教畫功，問到男友資質如何？Sherman嘆氣說：「仲需要啲時間。（畫裸體素描？）唔好搞呢啲，畫Q版公仔得啦。」
至於Janice透露媽媽將由韓國返港度聖誕，屆時可以母女團聚，她說：「都成一年冇見過媽咪，今次會抽多啲時間陪佢。（帶緋聞男教友見家長？）都未係男友，得閒先見啦。」
