黃宗澤否認炒燶股
藝人黃宗澤（Bosco）上周五（13日）33歲生日，最近榮升蠔吧老闆的他生日也要開工，只能跟家人慶祝，生日收到朋友送紅酒，其中有其出生年份釀製，他說：「媽咪買咗一支送畀我，自己又買咗支，放喺屋企做紀念。」而舊愛胡杏兒則未有送上祝福，但她表示要幫襯其餐廳，Bosco說：「好呀，我請佢食都得！」
近日有關他倆有錢銀瓜葛，Bosco將沙田一單位轉賣予杏兒，他強調賣樓由媽咪處理，有關錢銀數目，他說：「咩錢？我真係唔知，問我阿媽啦，我唔理。（有原因？）有咩原因？我都好想知，咁私人嘅事，唔需要向人交代。（因為稅務問題而轉名？）唔講啦！我識鬼搞呢啲咩！（賣樓畀杏兒冇友情價？）我都唔記得層樓幾錢買返嚟。」另有指他炒燶股票欠杏兒數百萬元，他否認炒股及炒燶股：「大家太多聯想，我從來都冇經濟問題。」