楊怡欲冧莊視后奮力拉票
《On Call 36小時II》昨晚大結局，一眾演員包括楊怡、吳啟華等在油塘跟約600名現場觀眾一起收睇結局，場面壯觀。上屆視后楊怡今年同樣有份角逐視后，她表示播完後會在現場拉票，又透露男友羅仲謙早已投自己一票：「我仲未投呀，上年我都係就截止先投，聽朝（今朝）一起身我就會投！」
至於有份角逐視帝的吳啟華坦言沒期望會得獎，故不會拉票，更謙虛謂：「我配角嚟啫，大家畀面先叫我男主角。（黎耀祥話着紅衫旺吓自己！）我着咩衫都冇用，黑衫啦！」啟華更大方為同劇的馬國明拉票：「投我嗰啲都投畀馬明啦！」
