Cool魔造定靚衫等攞獎

一年一度的《萬千星輝頒獎典禮2013》今晚將於電視城舉行，今屆提名「最佳男主角」的猛將競爭激烈，當中憑《衝上雲霄II》入圍的「Cool魔」張智霖（Chilam）呼聲最高，前晚他跟另一名「視帝」熱門黃子華在阮兆祥的《1祥朋友演唱會》上碰頭，擔任壓軸嘉賓的Chilam，高姿態地以私伙「機師look」亮相，而台慶當晚更會準備另一套靚衫，問他是否想攞視帝？他答：「希望啦！」他更風騷與祥仔合唱《歲月如歌》，並笑稱：「呢個演唱會好似頒獎禮嘅前哨戰，大家都趁機會拉票。」隨即與祥仔上演一幕纏綿咀嘴戲，連祥仔也笑嘲：「你為咗拉票不擇手段！」

提到唯獨不被太太袁詠儀（靚靚）看好拎視帝，早前率先在馬來西亞封帝的Chilam也表示認同：「每個獎嘅遊戲規則都唔同，攞到係開心事，攞唔到會欣然接受，毋須睇得太重。（有信心？）唔知依家投票走勢，如果領前就有信心，依家平常心。」他又認為不存在拍劇換獎一事，並笑謂：「如果以前換到獎，我一早攞到啦！」

馬國明昨日出席活動時獲大會預演「加冕」一刻。

黎耀祥出聲抓「最受歡迎電視男角色」，野心猶在。

宣布缺席頒獎禮

子華甫出場即獲觀眾大叫「教主」，又與徐子珊自彈自唱《My盛Lady》主題曲。受訪時，問到會否出席台慶頒獎禮？子華竟抵死地暗示會缺席：「聽（昨）日睇吓通勝先，如果寫『大凶』就一定去！」對於今年對手強勁，子華說：「年年都強勁o架啦，我拍親次次都有得玩（提名），有得玩已經好滿足。」昨日現身童裝專門店開幕時，子華更直認不會出席無綫頒獎禮。

黃子華與徐子珊前晚以劇中情侶檔現身，並大唱主題曲。

黃子華昨日直認不會出席無綫頒獎禮。

馬國明：人人有機

此外，憑《On Call 36小時II》角逐視帝的馬國明（馬明），問到奪得「藝人眼中的視帝」是否增添信心？馬明稱機制唔同，每人也有機會：「今年一半觀眾，一半專業評審，Chilam攞咗大馬獎都唔代表會攞（視帝），今年個個都有機，盡力而為啦。」「三屆視帝」黎耀祥則直言得失心不重，並笑稱今屆是「專業人士」的競賽：「又醫生又機師，今年都有『最受歡迎電視男角色』，希望觀眾今年再投畀我，可能都夠票數。」

文：影視組