李嘉欣七年不癢湊仔練耐性
女星李嘉欣與富二代許晉亨結婚五年，相識七年，她笑言時間十分長，還未知道有沒有七年之癢？但要數最深刻的事，就是由二人世界變為三人行，多了一個愛駁嘴的寶貝兒子，令性急的她耐性改善不少！
前晚女星李嘉欣、鍾楚紅及郭富城一同到廣州出席活動，其中榮升馬主的郭富城甫見同是馬主的嘉欣即笑說：「幾時一齊拉頭馬？雙冠軍！」又大讚嘉欣愛駒厲害，希望自己愛駒也有同樣成績。
嘉欣透露與老公許晉亨剛度過結婚五周年紀念日，她笑說：「（時間）好長呀！（點解覺得長？）每個階段都有好多嘢，加埋拍拖已經一齊七年。（有冇七年之癢？）未feel到癢唔癢？一齊經歷好多未經歷過嘅事。（最深刻係咩經歷？）有小朋友，原本二人世界，多咗個駁嘴嘅成日問點解，係我學習耐性嘅過程。」她又表示囝囝小JM（許建彤）並不物質，閒時只要求到公園玩耍，嘉欣盡量答允，笑言不知道算不算寵壞兒子。
撐Chilam封視帝
而城城被問到好友張智霖（Chilam）成為今年視帝大熱，問他對Chilam可有信心？他笑說：「實至名歸啦。（佢表現點？）一直都好。（你型啲定佢型啲？）你問呢啲？大家唔同，Chilam靚仔！（你都靚仔呀。）我唔靚仔，佢靚仔，乜都好，friend嚟o架嘛！」
至於紅姑就以白色Deep V裙亮相，性感迷人！提到泰國變性人Poyd大讚她漂亮，她笑着反問：「唔係嘛？真係呀？（係咪睇唔出佢係變性人？）冇諗過，好靚，咁自然。」她大讚現今科技發達：「人哋有需要咁做，令自己開心有自信，未嘗不可。（接受唔到整容？）我係囉，我驚呀，怕痛。（有邊部分最需要改善？）減肥囉。（你好肥咩？）有進步空間。（目標減到幾多磅？）唔想定目標，會好痛苦。我有做瑜伽同跑步，但唔夠我吸收得快。」
名人組