張韋怡包辦八餸一湯
無綫藝人張韋怡（Go Go）識飲識食，不時四出尋找美食之餘，更會上網尋找食譜，親自為家人與朋友下廚，她說：「出街食唔多唔少都會落味精，食到口淡淡就不如試吓自己煮，我最鍾意約齊三五知己，一齊去街市買新鮮食材，然後返屋企玩煮飯仔。」
Go Go謂試過一個人煮八餸一湯，更會照顧每一位朋友，做不同的菜式。談到「拿手菜」，Go Go自言「咩都識煮」，不過最拿手的就是煲湯：「一星期起碼煲三次湯，有時候拍劇要熬夜，仲會煲靚湯返公司同埋同劇演員分享，好過食零食當消夜o架！」近期因天氣影響，皮膚變乾，適合喝比較滋潤的湯水，雪耳雪梨茶就是不錯的選擇，她說：「最簡單就係買雪耳同雪梨就得，想再潤啲就落南北杏，想飲甜啲就落多啲冰糖。」
